सडक र टेलिकम विरुद्ध नागरिक खबरदारी

दोलखा बिशेष ब्रेकिङ्ग समाचार मुख्य समाचार समाचार

प्रकाशित मिति: १२ आश्विन २०७६, आईतवार १५:५४

दोलखा/लामोसाागु जिरी सडक सतरोन्नती हुन नसक्दा यात्रुहरुले सास्ती भोग्नु परेको र केहि दिन देखि ल्याण्ड लाईन तथा मोवाईन फोनमा समस्या भएपनि मर्मतमा चासो नदेखाएको भन्दै दोलखाका नागरिक अगुवाहरुले सडक डिभिजन कार्यालय र नेपाल टेलिकमको चरिकोट शाखामा तालाबन्दि गरिदिएको छ ।
सिटी जुलुस सहित सडक डिभिजन कार्यालय र नेपाल टेलिकमको कार्यालय पुगेका नागरिक अगुवाहरुले कार्यालयका कर्मचारीहरुलाई बाहिर निकालेर कार्यालयमा ताला लगाएका थिए । तालाबन्दि पछि सातदोबाटो चोकमा खबरदारी सभाको आयोजना गर ि२४ घण्टा भित्र सुधारको काम सुरु नगरे थप आन्दोलन गर्ने दोलखाका नागरिक अगुवाहरुले बताएका छन् ।
खबरदारी सभामा नागरिक अगुवाहरु चिरञ्जीवी मास्के, दीपशङ्क चौलागाई, रमेश खतिवडा, गणेशबिक्रम शाहि र दोलखा उद्योग बाणिज्य संघका सचिव विमल श्रेष्ठले मन्तव्य व्यक्त गर्नुहुदै तत्काल सुधारको काम सुरु गर्न सरोकारवाला पक्षलाई आग्रह गर्नु भएको छ । दुई कार्यालयमा गरिएको तालाबन्दि भने स्थानिय प्रशासनले केहि समय पछिनै तोडेको थियो ।
दोलखाका प्रमुख जिल्ला अधिकारी खगेन्द्रप्रसाद रिजालले सडक डिभिजन प्रमुखलाई तत्काल सुधारको काम गर्न निर्देशन दिई सकेको र आफै स्थलगत अनुगमनमा गई दशैमा यातायात सुचारु गर्ने बताउनु भयो । उहाँले टेलिकमको सुधारको लागि पनि आफुले निर्देशन दिएको र सुधारको काम भै रहेको बताउनु भयो ।



तपाईंहरुको प्रतिकृया